Vestido para a ocasión, comezábamos esta sesión post-bautizo con Flavio.

Unha tea de pelo largo como fondo resultou ideal para reflexar a auténtica personalidade deste adorable bebé.

E como tódolos packs de sesións que ofrezo inclúen polo menos un cambio de vestiario, aproveitamos o traxe azul para poñer un fondo que faga resaltar esa cor.

E novamente Flavio dando o mellor de sí mesmo!

Podes ver máis fotos desta sesión de bebé realizada en Cambados pulsando AQUÍ.

E infórmate sobre as diferentes sesións fotográficas no estudio situado en Av. Vilariño 18, Cambados, ou se o prefires, cubrindo o seguinte formulario de contacto.

A idea dunha sesión de cumpreanos na que se aplasta unha torta soa prometedora, e máis, se as que se encargan de facelo son Paola e Laura.

Realizadas no recén inaugurado estudio, para estas fotografías escollemos unha decoración sinxela e un fondo neutro. Os pais das nenas querían que elas fosen as protagonistas e así foi.

O pastel era de madeira, e pasárono tremendamente ben desmontándoo unha e outra vez.

E que a festa non pare!

Nesta sesión smash cake realizada en Cambados, foron as bebés as que marcaron o ritmo, ofrecendo oportunidades para crear fotos únicas.

Tamén houbo momentos de calma, dando como resultado unha maior variedade de imaxes no producto final entregado.

E lembra que se queres ter as fotos do teu bebé para o propio día do cumple, debemos facela cunha ou dúas semana de antelación.

Infórmate no estudio situado en Avenida Vilariño, 18 en Cambados... E reserva a túa SESIÓN SMASH CAKE!

Se hai unha época ideal para facer sesións fotográficas, esa é a finais do verán. E que mellor que unhas fotos familiares para desfrutar dunha apracible tarde na costa.

As protagonistas da historia de hoxe serán dúas adorables irmás mellizas acompañadas polos seus pais.

A localización elexida, suxerencia de Cris e David, é indiscutiblemente boa. Seguro que xa vos soa dalgunha sesión fotográfica de parella que publiquei por aquí anteriormente. Esta zona da Illa de Arousa teno todo: monte, praia, pasarelas de madeira e, sobre todo, unha enérxica luz.

Se fotografar un bebé require moita dedicación, retratar dous ao mesmo tempo pode esixir un pouco máis. Gracias a uns pais colaborativos esta foi unha sesión doada de levar a cabo.

Aínda que moitas veces cunha foto podería ser suficiente, sabedes que me encanta narrar o momento en dúas ou máis instantáneas.

Hai algo máis divertido que un pai ou nai nun momento de bromas co seu bebé? Velaquí a historia narrada noutra serie de dúas fotografías.

Unha vez rematadas as fotos da pasarela conseguimos baixar ata a praia. Nese momento unha gran nube agochaba xa ó sol, proporcionando a uniforme e suave iluminación ideal para a fotografía de bebés.

Chegando ao remate desta sesión fotográfica familiar na Illa de Arousa, unha das peques comezaba a pedir un merecido descanso.

E xa para finalizar, e antes de que as bebés esgotasen toda a súa enerxía, conseguimos capturar algún entrañable momento máis sobre a area da praia.

En definitiva, este atardecer en familia plasmado en fotos e impreso nun álbum será un recordo que, en propias palabras dos pais, desfrutarán vendo e tocando ao longo dos anos e incluso décadas.

Se como Cris e David queres pasar uns momentos divertidos cos teus nenos mentras capturo instantáneas, esta é a túa oportunidade.

Lembra que antes de que chegue o frío é a mellor época!

Pide máis información e reserva a túa cita pulsando en CONTACTO ou cubrindo o seguinte formulario:

Unha reportaxe de seguimento de embarazo é un traballo realizado durante aproximadamente un prazo de 7–9 meses, no que cada 4 semanas se levará a cabo unha sesión fotográfica, e onde a variación de tamaño que se produce na barriga da nai será a protagonista da historia.

Unha das claves para realizar este tipo de traballos é acudir a cada unha das sesións co mesmo vestiario e peiteado. Recoméndase que sexa algo neutro, discreto e atemporal. Deste xeito, a atención da imaxe non irá máis aló do que queremos transmitir.

Estas reportaxes adóitanse realizar a partir do terceiro mes de xestación, no que comeza a ser visible o aumento da barriga.

Se coñecedes as miñas fotografías de parella, xa sabedes que, cando se colocan diante do obxectivo, procuro capturar sempre esa espontaneidade que xorde de forma natural entre eles. Por suposto, así ocorre cada vez que Iván entra en escena.

Así como o vestiario, peiteado e maquillaxe debe ser sempre igual, usaremos os mesmos fondos polo mesmo motivo.

Os fondos de estudio, ao seren portátiles, son trasladados en cada sesión ao domicilio da familia; así como tamén os reflectores e flashes para cada unha das sete citas das que constou esta reportaxe de embarazo.

Unha vez rematabamos co fondo branco, cambiabamos ao fondo negro, podendo montar diferentes esquemas de iluminación e transmitir, modificando tamén o estilo de posado, diferentes sensacións.

Aínda que neste tipo de sesións fotografar de xeonllos para arriba poida resultar o máis axeitado, non debemos restar importancia a realizar belas capturas de corpo enteiro.

E de novo, noutra panorámica realizada esta vez coas fotografías de fondo negro, vemos resumida unha das etapas máis importantes da vida desta ilusionada nai.

Se che gustou este traballo e estás embarazada de poucos meses, xa podes reservar a túa propia reportaxe de seguimento de embarazo.

A maiores das fotos individuais, terás unha panorámica montada coas mellores fotos de fondo negro e outra coas de fondo branco, para que elixas a que máis che guste e así realizar un cadro ou calquera outro elemento decorativo co que recordarás tan fermoso momento.

Pide presuposto pulsando en CONTACTO ou enviando un Whatsapp ao 630389297.

Un dos acontecementos máis importantes na vida de calquera futura nai ou parella é desfrutar da espera dun bebé, e no caso de Elena e Iván, queda constancia de que así foi.

Realizadas a domicilio, estas fotografías corresponden a dúas sesións diferentes (no próximo artigo xa saberedes o porqué), levadas a cabo no penúltimo e último mes de xestación. E tanto unha como a outra foron planeadas para aproveitar a fermosa luz natural que entraba pola fiestra dunha das estancias máis acolledoras do fogar do futuro bebé.

Para lograr unha reportaxe máis completa, é boa idea introducir na escena persoas ligadas á protagonista.

Este é o caso dunha das futuras avoas, que tamén desfruta con intensidade desta fascinante etapa por tratarse, ademais, do seu primeiro neto.

Aínda que semelle o contrario, case tódalas escenas e poses están preparadas en maior o menor medida. Iso si, a manipulación realizada polo fotógrafo debe pasar totalmente inadvertida.

E se improvisamos unha pequena historia para ser contada en imaxes, xurdirán de forma natural diversas emocións, podendo realizar así as capturas máis sinceras. Ademais, con estas pequenas accións, situarse diante da cámara resulta moi doado e divertido.

Facendo uso da creatividade, podemos incluír no encadre algún obxecto do bebé. Así, sen necesidade de mostrar un só rostro, conseguimos igualmente unha fotografía alternativa de retrato.

Aproveitando ata o último momento a luz natural que entraba pola fiestra, chegamos xa ao remate deste artigo...

E xa sabes... Ségueme nas redes sociais para non perderte a segunda parte!

Ou, mellor aínda, pulsa en CONTACTO para reservar a túa propia sesión de embarazo!

Hoxe en día, ademais de ser boa profesional, a presencia en internet é moi importante, e Karina L. Siles, kinesióloga biomagnética, é consciente diso.

Os clientes, ou neste caso pacientes, adoitan buscar na web ou redes sociais información sobre a persoa que os vai tratar, e transmitir unha boa imaxe resulta imprescindible. Polo tanto, a doutora contactou con nós para facer unha pequena reportaxe nunha das súas consultas, neste caso, na de Vigo.

Se a elección do escenario é importante, a elaboración das poses é algo que tampouco deixaremos froito do azar. Debemos coñecer moi ben a linguaxe corporal, xa que, no caso dos retratos, case sempre é a máis importante. Así mesmo, cun sorriso natural e unha lixeira inclinación da cabeza, podemos transmitir complicidade.

Para crear variedade visual, ademáis de planos medios, consideramos tamén importante a realización de primeiros planos. A utilización dun equipo de luz auxiliar, neste caso un flash con difusor, é o que produce ese vistoso brillo nos ollos.

E xa rematando este artigo, concluímos que, unha sesión corporativa debe ser, coma todas, relaxada e distendida, na que un sincero sorriso é a mellor carta de presentación.

Esta é a túa oportunidade. Se tes un negocio e queres fotografías de calidade para ter unha boa presencia na rede, non o dubides: reserva cita e pide presuposto pulsando en CONTACTO.

Chegando á recta final do seu embarazo, esta futura mamá, Noelia, decidiu crear un recordo dunha das etapas máis fascinantes da vida, e que mellor forma de facelo que cunha fermosa sesión fotográfica.

Unha sesión de embarazada podémola realizar en exteriores ou, como neste caso, a domicilio, na tranquilidade do fogar do futuro bebé.

Alí trasladamos luces e fondos, polo tanto, calquera lugar resulta ideal para tomar unhas fotos tipo estudio.

Utilizando diferentes opcións de vestiario, obtemos unha maior variedade visual na reportaxe. Así mesmo, mostramos de distintas maneiras a barriga que, sen dúbida, é a gran protagonista.

E como non, o futuro pai, Joaquín, anímase a entrar en acción.

Aínda que moitas poses estean preparadas antes de accionar o obturador, a filosofía debe ser sempre a de "capturar o momento".

Chegamos así ao remate desta sesión de embarazo na que, os futuros pais, coma sempre, estiveron excelentes.

Se tiñas dúbidas de se realizar unha sesión de embarazada, espero que esta reportaxe te anime a vivir a túa propia experiencia.

E se queres realizar calquera consulta, ou ben reservar xa a túa cita, pulsa en CONTACTO.

En ocasións, a climatoloxía durante unha sesión fotográfica, pode ser boa para unha localización, pero non ser a mellor noutra. O día da preboda de Eva e David, había unha brétema cubrindo completamente o ceo que, se para a Ruta da Pedra e da Auga resultaba ideal, na costa pensamos que quedaría demasiado gris. A solución foi deixar esta segunda parte da sesión para un día diferente, ó atardecer, na praia de Foxos en Sanxenxo.

Coma sempre, comezamos con accións e poses sinxelas que, ademais de resultar moi románticas, axudan a ir entrando en situación.

Pouco a pouco imos elaborando escenas cada vez máis complexas, que á súa vez resultan tamén moi divertidas para Eva e David.

Este tipo de accións, aparte de moi vistosas, serven para que a parella desfrute do momento e se esqueza totalmente de que están sendo fotografados.

Tiñabamos a luz perfecta para fotografar sen axuda de flash, logrando unhas fotos en clave alta (predominio de tons claros) que recalcan o bo humor e alegría dos namorados.

Á altura ideal estaba o sol para crear unhas idílicas estampas de baixo contraste, que se conseguen deixando atravesar directamente algúns raios de luz a lente da cámara.

Na maioría destas fotografías, que foron feitas a contraluz para un efecto máis rechamante, utilizamos un simple pero efectivo reflector orientado cara os noivos. Deste xeito quedan correctamente iluminados aproveitando a luz natural.

E xa para finalizar esta preboda, e tendo en conta as sensacións que transmiten estas imaxes... ¡Como non imos tratar de que as parellas teñan sempre as súas fotos desfrutando dun atardecer!

Queda agora, por suposto, o gran día da boda... ¡Que será na próxima entrada deste mesmo blog!

Aínda quedan datas dispoñibles para esta tempada, pero se xa decidiches casarte o ano que ven... ¡Podes pedir xa o teu presuposto!

Hoxe temos unha cita con Eva e David, unha encantadora parella que contou co noso equipo para a realización da súa reportaxe de boda.

Para estes eventos sempre incluimos unha preboda, que se trata dunha sesión de parella que realizamos unhas semanas antes do gran día, ó natural, nunha ou dúas localizacións que ós noivos lles gusten e que, aparte de coller confianza co fotógrafo, serve para perder a timidez ó poñerse diante dunha cámara.

Eva e David, como bos afecionados aos deportes de montaña, escolleron a Ruta da Pedra e da Auga como primeira localización para as súas fotografías de preboda.

Tocounos un día de brétema que, aínda que poida deixar un ceo moi esbrancuxado, proporciona unha agradable e suave luz.

Aproveitando esta homoxénea iluminación natural, facemos as primeiras tomas para ir entrando en situación, e, coma sempre, comezamos cuns sinxelos e románticos xestos.

Á hora de fotografar parellas, suxerimos que os noivos non miren á cámara, xa que tratamos de narrar unha historia entre eles, quedando unhas imaxes máis auténticas.

Con isto tamén conseguimos que se esquezan da presenza do fotógrafo e, en cosecuencia, os poucos nervios que poida haber desaparecen e actúan con moita máis naturalidade.

Logo desta primeira toma de contacto, adentrámonos na ruta xa envoltos pola sombra da frondosa vexetación. Como a luz nunha zona tan sombría era insuficiente para crear unhas fotografías de calidade, complementámola coa axuda dun flash.

Co uso do flash, a parte de conseguir unhas imaxes máis vistosas, podemos conxelar o movemento, importantísimos cando se fotografía a interacción entre unha parella.

Definindo con poucas palabras esta sesión con Eva e David, diriamos que, a xulgar polos resultados, foi tremendamente divertida. Ademáis de conseguir unhas fotos para o recordo e incluir no seu álbum de boda, levan consigo unha experiencia irrepetible.

Como podemos apreciar en tódalas fotografías, queda patente que o estilo fotográfico que buscamos por parte do noso equipo é o de "capturar o momento", apertar o obturador da cámara xusto no cumio da acción, así como captar unha brillante mirada ou o máis sincero dos sorrisos.

Se te casas durante este verán e desexas que fagamos a túa reportaxe de boda, esta é a túa oportunidade... Deixa de buscar, e reserva xa túa data!

Por certo, non te perdas próximamente a segunda parte desta preboda... durante unha soleada tarde na praia!

Tras unhas románticas fotos na praia, chegamos ó segundo escenario desta sesión fotográfica na Illa de Arousa.

O sol estaba xa moi baixo tralo horizonte, e o seu resplandor proporcionaba un idílico fondo para crear un suxerente contraluz. Obtemos, deste xeito, unhas escuras siluetas nas que destaca o volume da barba de Joaquín e o contorno do rostro de Noelia.

Ver á parella totalmente en sombra quere dicir que teremos un control total sobre a iluminación que van recibir. Para iso, utilizaremos dous flashes controlados remotamente; un deles actuará como luz principal, e outro, como luz de recorte. Este último crea esa aura luminosa que os envolve e define as súas siluetas.

Variando lixeitamente o ángulo de captura, aproveitamos a mesma pose para tomar planos máis íntimos, obtendo unhas imaxes cun estilo moi cinematográfico.

E xa para finalizar, tivemos a sorte de que unha delicada brisa mariña crease un sutil movemento no cabelo e vestido de Noelia, dando como resultado, unhas estampas máis dinámicas.

Como vimos nestas dúas últimas entradas de blog, cun rápido cambio de vestiario e movéndonos tan só uns metros para cambiar a localización, obtemos unhas fotografías cun estilo ben distino, proporcionando así, unha maior variedade de imaxes resultantes.

Se celebras o teu enlace nas próximas semanas, lembra que aínda temos datas dispoñibles, tanto para as sesións preboda, como para as bodas e postbodas.

Consulta os PACKS para eventos, ou pide máis información para reservar a vosa data.